Daily Lakshmi Puja Procedure in Bengali with Mantras

🌺 লক্ষ্মী নিত্য পূজা বিধানম্ 🌺

শ্রী মহালক্ষ্মী দেবীর নিত্য পূজা পদ্ধতি

🕉️ ॐ শ্রীমহালক্ষ্ম্যৈ নমঃ 🕉️

লক্ষ্মী নিত্য পূজা বিধানম্ — এটি শ্রী মহালক্ষ্মী দেবীর প্রতিদিনের সহজ ও শাস্ত্রীয় পূজা পদ্ধতি। ঘরে সুখ, শান্তি, স্বাস্থ্য ও ঐশ্বর্য বজায় থাকার জন্য প্রতিদিন লক্ষ্মী দেবী পূজা করা অত্যন্ত শুভ বলে মনে করা হয়।

এই ডেইলি লক্ষ্মী পূজা বিধি-তে — প্রয়োজনীয় সামগ্রী, পূর্বাঙ্গ পূজা, কলশ আরাধনা, শঙ্খ পূজা, গণপতি পূজা, এবং ষোড়শোপচার পূজা (১৬ অঙ্গের পূজা) — সব কিছু ক্রমানুসারে, সহজ ভাষায় দেওয়া হয়েছে।

প্রতিদিন ওঁ শ্রীমহালক্ষ্ম্যৈ নমঃ মন্ত্র ভক্তিভরে জপ করে, এই নিত্য পূজা বিধানম্ অনুসারে পূজা করলে — শ্রী মহালক্ষ্মী দেবীর কৃপা আপনার ঘরে সর্বদা বজায় থাকে। 🌺

🪔 প্রয়োজনীয় সামগ্রী

• আসন
• দীপ
• গন্ধ (চন্দন)
• কুঙ্কুম
• অক্ষত
• পুষ্প
• ধূপ
• নৈবেদ্য
• তাম্বূল
• আচমনীয় জল
• পূজা পাত্র
• কলশ
• শঙ্খ (ঐচ্ছিক)
• লক্ষ্মী দেবীর মূর্তি বা ছবি

🌿 পূর্বাঙ্গ পূজা

শ্রীমহাগণাধিপতয়ে নমঃ ।
শ্রী গুরভ্যো নমঃ ।
হরিঃ ওম্ ।

🪔 শুচিঃ (শুদ্ধি)

অপবিত্রঃ পবিত্রো বা সর্বাবস্থাং গতোঽপি বা ।
যঃ স্মরেত্ পুণ্ডরীকাক্ষং স বাহ্যাভ্যন্তরঃ শুচিঃ ॥
পুণ্ডরীকাক্ষ পুণ্ডরীকাক্ষ পুণ্ডরীকাক্ষায় নমঃ ॥

🪔 প্রার্থনা

শুক্লাম্বরধরং বিষ্ণুং শশিবর্ণং চতুর্ভুজম্ ।
প্রসন্নবদনং ধ্যায়েত্ সর্ববিঘ্নোপশান্তয়ে ॥

অগজানন পদ্মার্কং গজাননমহর্নিশম্ ।
অনেকদং তং ভক্তানাং একদন্তমুপাস্মহে ॥

তদেব লগ্নং সুদিনং তদেব
তারাবলং চন্দ্রবলং তদেব ।
বিদ্যাবলং দৈববলং তদেব
লক্ষ্মীপতে তেঽংঘ্রিযুগং স্মরামি ॥

গুরুর্ব্রহ্মা গুরুর্বিষ্ণুঃ গুরুর্দেবো মহেশ্বরঃ ।
গুরুঃ সাক্ষাত্ পরব্রহ্ম তস্মৈ শ্রীগুরবে নমঃ ॥

সর্বমঙ্গল মাঙ্গল্যে শিবে সর্বার্থসাধিকে ।
শরণ্যে ত্র্যম্বকে গৌরী নারায়ণি নমোঽস্তু তে ॥

শ্রীলক্ষ্মীনারায়ণাভ্যাং নমঃ ।
উমামহেশ্বরাভ্যাং নমঃ ।
বাণীহিরণ্যগর্ভাভ্যাং নমঃ ।
শচীপুরন্দরাভ্যাং নমঃ ।
অরুন্ধতীবসিষ্ঠাভ্যাং নমঃ ।
শ্রীসীতারামাভ্যাং নমঃ ।
মাতাপিতৃভ্যো নমঃ ।
সর্বেভ্যো মহাজনেভ্যো নমঃ ।

🪔 আচমন

ওঁ কেশবায় স্বাহা ।
ওঁ নারায়ণায় স্বাহা ।
ওঁ মাধবায় স্বাহা ।
ওঁ গোবিন্দায় নমঃ ।
ওঁ বিষ্ণবে নমঃ ।
ওঁ মধুসূদনায় নমঃ ।
ওঁ ত্রিবিক্রমায় নমঃ ।
ওঁ বামনায় নমঃ ।
ওঁ শ্রীধরায় নমঃ ।
ওঁ হৃষীকেশায় নমঃ ।
ওঁ পদ্মনাভায় নমঃ ।
ওঁ দামোদরায় নমঃ ।
ওঁ সংকর্ষণায় নমঃ ।
ওঁ বাসুদেবায় নমঃ ।
ওঁ প্রদ্যুম্নায় নমঃ ।
ওঁ অনিরুদ্ধায় নমঃ ।
ওঁ পুরুষোত্তমায় নমঃ ।
ওঁ অধোক্ষজায় নমঃ ।
ওঁ নারসিংহায় নমঃ ।
ওঁ অচ্যুতায় নমঃ ।
ওঁ জনার্দনায় নমঃ ।
ওঁ উপেন্দ্রায় নমঃ ।
ওঁ হরয়ে নমঃ ।
ওঁ শ্রীকৃষ্ণায় নমঃ ।

🪔 দীপারাধন

দীপস্ত্বং ব্রহ্মরূপোঽসি জ্যোতিষাং প্রভুরব্যয়ঃ ।
সৌভাগ্যং দেহি পুত্রাংশ্চ সর্বান্কামাংশ্চ দেহি মে ॥
ভো দীপ দেবি রূপস্ত্বং কর্মসাক্ষী হ্যবিঘ্নকৃত্ ।
যাবত্পূজাং করিষ্যামি তাবত্ত্বং সুস্থিরো ভব ॥
দীপারাধন মুহূর্তঃ সুমুহূর্তোঽস্তু ॥

🪔 ভূতোচ্চাটন

উত্তিষ্ঠন্তু ভূতপিশাচাঃ য এতে ভূমিভারকাঃ ।
এতেষামবিরোধেন ব্রহ্মকর্ম সমারভে ॥
অপসর্পন্তু তে ভূতা যে ভূতা ভূমিসংস্থিতাঃ ।
যে ভূতা বিঘ্নকর্তারস্তে গচ্ছন্তু শিবাজ্ঞয়া ॥

🪔 প্রাণায়াম

ওঁ ভূঃ । ওঁ ভুবঃ । ওগ্ং সুবঃ । ওঁ মহঃ । ওঁ জনঃ । ওঁ তপঃ । ওগ্ং সত্যম্ ।
ওঁ তত্সবিতুর্বরেণ্যং ভর্গো দেবস্য ধীমহি ।
ধিয়ো যো নঃ প্রচোদয়াত্ ॥
ওমাপো জ্যোতী রসোঽমৃতং ব্রহ্ম ভূর্ভুবস্সুবরোম্ ॥

🪔 সংকল্প

মম উপাত্ত সমস্ত দুরিতক্ষয় দ্বারা শ্রীপরমেশ্বর প্রীত্যর্থং, মম/অস্মাকং সহকুটুম্বস্য ক্ষেম-স্থৈর্য-ধৈর্য-বীর্য-বিজয়-অভয়-আয়ুঃ-আরোগ্য-ঐশ্বর্য-অভিবৃদ্ধ্যর্থং, ধর্মার্থ-কাম-মোক্ষ-চতুর্বিধ-পুরুষার্থ-ফল-সিদ্ধ্যর্থং, সর্বাভীষ্ট-সিদ্ধ্যর্থং, শ্রীমহালক্ষ্মী-প্রীত্যর্থং, যাবচ্ছক্তি ধ্যান-আবাহনাদি-ষোড়শোপচার-পূজাং করিষ্যে ॥
তদঙ্গ কলশারাধনং করিষ্যে ॥

🏺 কলশ আরাধনা & শঙ্খ পূজা

কলশে গন্ধ পুষ্পাক্ষতৈরভ্যর্চ্য ।
কলশে উদকং পূরয়িত্বা ।
কলশস্যোপরি হস্তং নিধায় ।

কলশস্য মুখে বিষ্ণুঃ কণ্ঠে রুদ্রঃ সমাশ্রিতঃ ।
মূলে ত্বস্য স্থিতো ব্রহ্মা মধ্যে মাতৃগণাঃ স্মৃতাঃ ॥
কুক্ষৌ তু সাগরাঃ সর্বে সপ্তদ্বীপা বসুন্ধরা ।
ঋগ্বেদোঽথ যজুর্বেদো সামবেদো হ্যথর্বণঃ ॥
অঙ্গৈশ্চ সহিতাঃ সর্বে কলশাম্বু সমাশ্রিতাঃ ॥

গঙ্গে চ যমুনে চৈব গোদাবরী সরস্বতী ।
নর্মদে সিন্ধু কাবেরী জলেঽস্মিন্ সন্নিধিং কুরু ॥
কাবেরী তুঙ্গভদ্রা চ কৃষ্ণবেণী চ গৌতমী ।
ভাগীরথীতি বিখ্যাতাঃ পঞ্চগঙ্গাঃ প্রকীর্তিতাঃ ॥

আয়ান্তু দেবপূজার্থং মম দুরিতক্ষয়কারকাঃ ।
কলশোদকেন পূজা দ্রব্যালি সংপ্রোক্ষ্য, দেবং সংপ্রোক্ষ্য, আত্মানং চ সংপ্রোক্ষ্য ॥

🐚 শঙ্খ পূজা

শঙ্খং চন্দ্রার্ক দৈবতং মধ্যে বরুণ দেবতাম্ ।
পৃষ্ঠে প্রজাপতিং বিন্দ্যাদগ্রে গঙ্গা সরস্বতীম্ ॥
ত্রৈলোক্যে যানি তীর্থানি বাসুদেবস্য আজ্ঞয়া ।
শঙ্খে তিষ্ঠন্তু বিপ্রেন্দ্রাঃ তস্মাত্ শঙ্খং প্রপূজয়েত্ ॥

ওঁ শঙ্খায় নমঃ ।
ওঁ ধবলায় নমঃ ।
ওঁ পাঞ্চজন্যায় নমঃ ।
ওঁ শঙ্খদেবতাভ্যো নমঃ ।
সকলপূজার্থে অক্ষতান্ সমর্পয়ামি ॥

🔔 ঘণ্টানাদ

আগমার্থং তু দেবানাং গমনার্থং তু রাক্ষসাম্ ।
ঘণ্টারবং করোম্যাদৌ দেবতাহ্বান লাঞ্ছনম্ ॥
ওঁ ঘণ্টাদেবতাভ্যো নমঃ ।
সকলোপচার পূজার্থে অক্ষতান্ সমর্পয়ামি ॥

🐘 শ্রী মহাগণপতি পূজা

ওঁ গণানাং ত্বা গণপতিগ্ং হবামহে কবিং কবীনাং উপমশ্রবস্তবম্ ।
জ্যেষ্ঠরাজং ব্রহ্মণাং ব্রহ্মণস্পত আ নঃ শৃণ্বন্নূতিভিস্সীদ সাদনম্ ॥

সুমুখশ্চৈকদন্তশ্চ কপিলো গজকর্ণকঃ ।
লম্বোদরশ্চ বিকটো বিঘ্নরাজো গণাধিপঃ ॥
ধূমকেতুর্গণাধ্যক্ষঃ ফালচন্দ্রো গজাননঃ ।
বক্রতুণ্ডঃ শূর্পকর্ণো হেরম্বঃ স্কন্দপূর্বজঃ ॥

ওঁ শ্রীমহাগণপতয়ে নমঃ ।
ধ্যায়ামি । আবাহয়ামি । আসনং সমর্পয়ামি ।
পাদ্যং সমর্পয়ামি । অর্ঘ্যং সমর্পয়ামি । আচমনীয়ং সমর্পয়ামি ।
স্নানং সমর্পয়ামি । বস্ত্রং সমর্পয়ামি । যজ্ঞোপবীতং সমর্পয়ামি ।
গন্ধং সমর্পয়ামি । পুষ্পাণি সমর্পয়ামি ।
ধূপমাঘ্রাপয়ামি । দীপং দর্শয়ামি ।
নৈবেদ্যং সমর্পয়ামি । তাম্বূলং সমর্পয়ামি ।
নীরাজনং সমর্পয়ামি । মন্ত্রপুষ্পং সমর্পয়ামি ।
প্রদক্ষিণ নমস্কারান্ সমর্পয়ামি ॥

🌸 ষোড়শোপচার পূজা — ১৬ অঙ্গের পূজা

১. ধ্যান

যা সা পদ্মাসনস্থা বিপুলকটিতটী পদ্মপত্রায়তাক্ষী ।
গম্ভীরাবর্তনাভিঃ স্তনভর নমিতা শুভ্র বস্ত্রোত্তরীয়া ॥
লক্ষ্মীর্দিব্যৈর্গজেন্দ্রৈর্মণিগণ খচিতৈঃ স্নাপিতা হেমকুম্ভৈঃ ।
নিত্যং সা পদ্মহস্তা মম বসতু গৃহে সর্বমাঙ্গল্যযুক্তা ॥

লক্ষ্মীং ক্ষীরসমুদ্ররাজতনয়াং শ্রীরঙ্গধামেশ্বরীম্ ।
দাসীভূতসমস্তদেব বনিতাং লোকৈক দীপাঙ্কুরাম্ ॥
শ্রীমন্মন্দকটাক্ষলব্ধ বিভব ব্রহ্মেন্দ্রগঙ্গাধরাম্ ।
ত্বাং ত্রৈলোক্য কুটুম্বিনীং সরসিজাং বন্দে মুকুন্দপ্রিয়াম্ ॥

ওম্ ॥ হিরণ্যবর্ণাং হরিণীং সুবর্ণরজতস্রজাম্ ।
চন্দ্রাং হিরণ্ময়ীং-লক্ষ্মীং জাতবেদো মমাবহ ॥

ওঁ শ্রীমহালক্ষ্ম্যৈ নমঃ ।
ধ্যায়ামি । ধ্যানং সমর্পয়ামি ॥

২. আবাহন

তাং ম আবহ জাতবেদো লক্ষ্মীমনপগামিনীম্ ।
যস্যাং হিরণ্যং-বিন্দেয়ং গামশ্বং পুরুষানহম্ ॥
সহস্রদলপদ্মস্থাং স্বস্থাং চ সুমনোহরাম্ ।
শান্তাং চ শ্রীহরেঃ কান্তাং তাং ভজে জগতাং প্রসূম্ ॥
ওঁ শ্রীমহালক্ষ্ম্যৈ নমঃ ।
আবাহয়ামি । স্থাপয়ামি । পূজয়ামি ॥

৩. আসন

অমূল্যরত্নখচিতং নির্মিতং বিশ্বকর্মণা ।
আসনং চ বিচিত্রং চ মহালক্ষ্মি প্রগৃহ্যতাম্ ॥
ওঁ শ্রীমহালক্ষ্ম্যৈ নমঃ ।
আসনং সমর্পয়ামি ॥

৪. পাদ্য

অশ্বপূর্বাং রথমধ্যাং হস্তিনাদ প্রবোধিনীম্ ।
শ্রিয়ং দেবীমুপহ্বয়ে শ্রীর্মা দেবীর্জুষতাম্ ॥
পুষ্পচন্দনদূর্বাদি সংযুতং জাহ্নবীজলম্ ।
শঙ্খগর্ভস্থিতং শুদ্ধং গৃহ্যতাং পদ্মবাসিনি ॥
ওঁ শ্রীমহালক্ষ্ম্যৈ নমঃ ।
পাদয়োঃ পাদ্যং সমর্পয়ামি ॥

৫. অর্ঘ্য

গন্ধ পুষ্পাক্ষতৈর্যুক্তং অর্ঘ্যং সম্পাদিতং ময়া ।
গৃহাণ ত্বং মহালক্ষ্মি প্রসন্না ভব সর্বদা ॥
ওঁ শ্রীমহালক্ষ্ম্যৈ নমঃ ।
হস্তয়োঃ অর্ঘ্যং সমর্পয়ামি ॥

৬. আচমনীয়

পুণ্যতীর্থোদকং চৈব বিশুদ্ধং শুদ্ধিদং সদা ।
গৃহ্যতাং কৃষ্ণকান্তে ত্বং রম্যমাচমনীয়কম্ ॥
ওঁ শ্রীমহালক্ষ্ম্যৈ নমঃ ।
মুখে আচমনীয়ং সমর্পয়ামি ॥

৭. স্নান

আপো হিষ্ঠা ময়োভুবস্তা ন ঊর্জে দধাতন ।
মহে রণায় চক্ষসে ॥
যো বঃ শিবতমো রসস্তস্য ভাজয়তেহ নঃ ।
উশতীরিব মাতরঃ ॥
তস্মা অরং গমাম বো যস্য ক্ষয়ায় জিন্বথ ।
আপো জনয়থা চ নঃ ॥
ওঁ শ্রীমহালক্ষ্ম্যৈ নমঃ ।
শুদ্ধোদক স্নানং সমর্পয়ামি ॥
স্নানানন্তরং আচমনীয়ং সমর্পয়ামি ॥

৮. বস্ত্র

উপৈতু মাং দেবসখঃ কীর্তিশ্চ মণিনা সহ ।
প্রাদুর্ভূতোঽস্মি রাষ্ট্রেঽস্মিন্ কীর্তিমৃদ্ধিং দদাতু মে ॥
দেহসৌন্দর্যমূলং চ সদা শোভা বিবর্ধনম্ ।
কার্পাসজং চ কৃমিজং বসনং দেবি গৃহ্যতাম্ ॥
ওঁ শ্রীমহালক্ষ্ম্যৈ নমঃ ।
বস্ত্রং সমর্পয়ামি ॥

৯. যজ্ঞোপবীত

যজ্ঞোপবীতং পরমং পবিত্রং প্রজাপতের্যত্সহজং পুরস্তাত্ ।
আয়ুষ্যমগ্র্যং প্রতিমুঞ্চ শুভ্রং যজ্ঞোপবীতং বলমস্তু তেজঃ ॥
ওঁ শ্রীমহালক্ষ্ম্যৈ নমঃ ।
যজ্ঞোপবীতং সমর্পয়ামি ॥

১০. গন্ধ

গন্ধদ্বারাং দুরাধর্ষাং নিত্যপুষ্টাং করীষিণীম্ ।
ঈশ্বরীগ্ং সর্বভূতানাং তামিহোপহ্বয়ে শ্রিয়ম্ ॥
মলয়াচলসংভূতং বৃক্ষসারং মনোহরম্ ।
সুগন্ধিযুক্তং সুখদং চন্দনং দেবি গৃহ্যতাম্ ॥
ওঁ শ্রীমহালক্ষ্ম্যৈ নমঃ ।
গন্ধং সমর্পয়ামি ॥

১১. অর্চনা (অঙ্গ পূজা)

অক্ষতান্ ধবলান্ দিব্যান্ পুষ্পাণি চ সুগন্ধীনি ।
ভক্ত্যা দত্তানি গৃহ্যন্তাং সর্বদেবাঃ প্রসীদত ॥

অঙ্গ পূজা:
ওঁ চপলায়ৈ নমঃ — পাদৌ পূজয়ামি ।
ওঁ চঞ্চলায়ৈ নমঃ — জানুনী পূজয়ামি ।
ওঁ কমলায়ৈ নমঃ — কটিং পূজয়ামি ।
ওঁ কাত্যায়ন্যৈ নমঃ — নাভিং পূজয়ামি ।
ওঁ জগন্মাত্রে নমঃ — জঠরং পূজয়ামি ।
ওঁ বিশ্ববল্লভায়ৈ নমঃ — বক্ষঃস্থলং পূজয়ামি ।
ওঁ কমলবাসিন্যৈ নমঃ — নেত্রত্রয়ং পূজয়ামি ।
ওঁ শ্রিয়ৈ নমঃ — শিরঃ পূজয়ামি ।
ওঁ মহালক্ষ্ম্যৈ নমঃ — সর্বাণ্যঙ্গানি পূজয়ামি ॥

শ্রী মহালক্ষ্মী অষ্টোত্তর শত নামাবলী পাঠ করুন, প্রতিটি নামের সঙ্গে পুষ্প বা অক্ষত সমর্পণ করুন।
ওঁ শ্রীমহালক্ষ্ম্যৈ নমঃ ।
অষ্টোত্তর শত নামাবলী পূজাং সমর্পয়ামি ।
অক্ষতান্ পুষ্পাণি চ সমর্পয়ামি ॥

১২. ধূপ

আপঃ সৃজন্তু স্নিগ্ধানি চিক্লীত বস মে গৃহে ।
নি চ দেবীং মাতরং শ্রিয়ং-বাসয় মে কুলে ॥
বৃক্ষনির্যাসরূপং চ গন্ধদ্রব্যাদি সংযুতম্ ।
কৃষ্ণকান্তে পবিত্রো বৈ ধূপোঽয়ং প্রতিগৃহ্যতাম্ ॥
ওঁ শ্রীমহালক্ষ্ম্যৈ নমঃ ।
ধূপমাঘ্রাপয়ামি ॥

১৩. দীপ

আর্দ্রাং পুষ্করিণীং পুষ্টিং পিঙ্গলাং পদ্মমালিনীম্ ।
চন্দ্রাং হিরণ্ময়ীং-লক্ষ্মীং জাতবেদো মমাবহ ॥
জগচ্চক্ষুঃ স্বরূপং চ ধ্বান্ত প্রধ্বংসকারণম্ ।
প্রদীপং শুদ্ধরূপং চ গৃহ্যতাং পরমেশ্বরি ॥
ওঁ শ্রীমহালক্ষ্ম্যৈ নমঃ ।
দীপং দর্শয়ামি ॥

১৪. নৈবেদ্য

নৈবেদ্যং গৃহ্যতাং দেবি ভক্ত্যা সম্পাদিতং ময়া ।
ইদং ফলং চ পানীয়ং সর্বোপচার সংযুতম্ ॥

ওঁ ভূর্ভুবস্সুবঃ । তত্সবিতুর্বরেণ্যং ভর্গো দেবস্য ধীমহি ।
ধিয়ো যো নঃ প্রচোদয়াত্ ॥
সত্যং ত্বা ঋতেন পরিষিঞ্চামি ।
অমৃতমস্তু । অমৃতোপস্তরণমসি ।
ওঁ প্রাণায় স্বাহা । ওঁ অপানায় স্বাহা । ওঁ ব্যানায় স্বাহা ।
ওঁ উদানায় স্বাহা । ওঁ সমানায় স্বাহা ।
মধ্যো মধ্যে পানীয়ং সমর্পয়ামি ।
অমৃতাপিধানমসি ।
উত্তরাপোশনং সমর্পয়ামি ।
হস্তৌ প্রক্ষালয়ামি । পাদৌ প্রক্ষালয়ামি ।
শুদ্ধাচমনীয়ং সমর্পয়ামি ॥

ওঁ শ্রীমহালক্ষ্ম্যৈ নমঃ ।
নৈবেদ্যং সমর্পয়ামি ॥

১৫. তাম্বূল

তাম্বূলং চ বরং রম্যং কর্পূরাদি সুবাসিতম্ ।
জিহ্বাজাড্যচ্ছেদকরং তাম্বূলং দেবি গৃহ্যতাম্ ॥
ওঁ শ্রীমহালক্ষ্ম্যৈ নমঃ ।
তাম্বূলং সমর্পয়ামি ॥

১৬. নীরাজন ও মন্ত্রপুষ্প

নীরাজন:
চক্ষুর্দং সর্বলোকানাং তিমিরস্য নিবারণম্ ।
আর্তিক্যং কল্পিতং ভক্ত্যা গৃহাণ পরমেশ্বরি ॥
সংতত শ্রীরস্তু সমস্ত মঙ্গলানি ভবন্তু ।
নিত্য শ্রীরস্তু নিত্যমঙ্গলানি ভবন্তু ॥
ওঁ শ্রীমহালক্ষ্ম্যৈ নমঃ ।
নীরাজনং সমর্পয়ামি ॥

মন্ত্রপুষ্প:
ওঁ মহাদেব্যৈ চ বিদ্মহে বিষ্ণুপত্নী চ ধীমহি ।
তন্নো লক্ষ্মীঃ প্রচোদয়াত্ ॥
সদ্ভাবপুষ্পাণ্যাদায় সহজ প্রেমরূপিণে ।
লোকমাত্রে দদাম্যদ্য প্রীত্যা সংগৃহ্যতাং সদা ॥
ওঁ শ্রীমহালক্ষ্ম্যৈ নমঃ ।
মন্ত্রপুষ্পং সমর্পয়ামি ॥

🙏 প্রদক্ষিণ, নমস্কার & সর্বোপচার

প্রদক্ষিণ:
যানি কানি চ পাপানি জন্মান্তর কৃতানি চ ।
তানি তানি প্রণশ্যংতি প্রদক্ষিণ পদে পদে ॥
পাপোঽহং পাপকর্মাহং পাপাত্মা পাপসংভব ।
ত্রাহি মাং কৃপয়া দেবি শরণাগতবত্সলে ॥
অন্যथा শরণং নাস্তি ত্বমেব শরণং মম ।
তস্মাত্কারুণ্য ভাবেন রক্ষ মাং পরমেশ্বরি ॥
ওঁ শ্রীমহালক্ষ্ম্যৈ নমঃ ।
প্রদক্ষিণ নমস্কারান্ সমর্পয়ামি ॥

নমস্কার:
উরসা শিরসা দৃষ্ট্যা মনসা বচসা তথা ।
পদ্ভ্যাং করাভ্যাং কর্ণাভ্যাং প্রণামোঽষ্টাঙ্গ উচ্যতে ॥
ওঁ শ্রীমহালক্ষ্ম্যৈ নমঃ ।
নমস্কারান্ সমর্পয়ামি ॥

সর্বোপচার:
ওঁ শ্রীমহালক্ষ্ম্যৈ নমঃ ।
ছত্রং সমর্পয়ামি ।
চামরং সমর্পয়ামি ।
গীতং শ্রাবয়ামি ।
নৃত্যাং দর্শয়ামি ।
সমস্ত রাজোপচারান্ দেবোপচারান্ সমর্পয়ামি ॥

📜 স্তোত্র / সূক্ত পাঠ

• শ্রী সূক্তম্
• মহালক্ষ্ম্যষ্টকম্
• কনকধারা স্তোত্রম্

🌼 ক্ষমাপ্রার্থনা

অপরাধসহস্রাণি ক্রিয়ংতেঽহর্নিশং ময়া ।
দাসোঽয়মিতি মাং মত্বা ক্ষমস্ব পরমেশ্বরি ॥
মন্ত্রহীনং ক্রিয়াহীনং ভক্তিহীনং মহালক্ষ্মি ।
যত্পূজিতং ময়া দেবি পরিপূর্ণং তদস্তু তে ॥

কায়েন বাচা মনসেন্দ্রিয়ৈর্বা
বুদ্ধ্যাত্মনা বা প্রকৃতেঃ স্বভাবাত্ ।
করোমি যদ্যত্ সকলং পরস্মৈ
নারায়ণায়েতি সমর্পয়ামি ॥

অনয়া ধ্যান-আবাহনাদি-ষোড়শোপচার পূজয়া শ্রীমহালক্ষ্মী দেবী সুপ্রীতা সুপ্রসন্না বরদা ভবতু ॥

🪷 উদ্বাসন

ওঁ শ্রীমহালক্ষ্ম্যৈ নমঃ ।
যথাস্থানং উদ্বাসয়ামি ।
শোভনার্থে ক্ষেমায় পুনরাগমনায় চ ॥

🍚 প্রসাদ গ্রহণ

অকালমৃত্যুহরণং সর্বব্যাধিনিবারণম্ ।
সমস্তপাপক্ষয়করং দেবতা পাদোদকং শুভম্ ॥
শ্রীমহালক্ষ্মী দেবী প্রসাদং শিরসা গৃহ্ণামি ॥

ওঁ শান্তিঃ শান্তিঃ শান্তিঃ ॥
ওঁ তত্সত্ ব্রহ্মার্পণমস্তু ॥

🕉️ 🪔 🕉️

🌺 শ্রী মহালক্ষ্মী দেবীর কৃপা আপনার পরিবারকে সুখ, শান্তি ও সমৃদ্ধি দান করুন। 🌺